சிறுவர் பகுதி

தலைப்பு :முயற்சி செய்

பொறுப்பு ராஜன்

இயேசுவின்நாமத்தில் உங்களுக்கு வாழ்த்துக்கள்

கொட்டும் பனியிலும் குளிரிலும் போர்வையை களைத்து விட்டு சிறுவர்பகுதியை வாசிக்கும் சிறுவர்களே ,

சுறுசுறுப்பான பையன் சின்னா, அவன்எப்பவும் சந்தோஷமாயிருப்பான். ஆனால் அவன் பிறந்தநாள்அதுவும் மாலை நேரத்தில் ரொம்பசோகமாக வீட்டு வாசலில் உட்காந்திருந்தான்.அவனோட அம்மா அவன்கிட்டவந்து "ஏன்டா சின்னா,பிறந்தநாள்அதுவுமா ஏன் சோகமா இருக்க"அதற்கு சின்னா, அவங்க அம்மாகிட்ட,இன்னைக்கு எங்க ஸ்கூல்ல எங்கடீச்சர் என்ன ரொம்ப திட்டிட்டாங்கம்மா.என் Hand Writing நல்லா இல்லேனு சொல்லிஎன்ன திட்டிட்டாங்கம்மா.உடனே அவனுடைய அம்மா,சின்னா இதுக்குத்தான் இவ்ளோ சோகமா இருக்கிறியாங்கோ!ம்ம்ம்....நீ நம்ம வீட்டுலஇருக்கிற இந்த கிளியை கொஞ்சம்  யோசித்துபாரு

அது சிறியதாக இருக்கும்போது வளர்வதற்கு எவ்வளவுஉணவு கொடுத்த, அதோட கலர் பச்சையாகவும்வாய் சிவப்பாகவும் இருக்கிறத பாத்து என்னை கூப்பிட்டுசொல்லி எவ்வளவு சந்தோஷப்பட்ட, அப்புறம்அது பேசுறதுக்கு அத எவ்வளோ பாடுபடுத்தின!அதனோட நாக்குல வசம்புலாம் தடவினியேஇப்ப பாரு அது எவ்வளோஅழகா, ஸ்தோத்திரம் னு சொல்லுது, சின்னனு சொல்லுது, அதை போல தாண்டஉன் டீச்சரும் நீ நல்லவரானுங்றகிதுக்காக உன்னை கண்டிக்கிறாங்க.நீ நல்லா முயற்சி செய்.ஒரு இரட்டைக்கோடு நோட்டு வாங்கு நல்லஎழுதிப்பாரு, உனக்கும் கொஞ்ச நாள்ல Hand Writing Super ஆக வந்திடும்.உங்க டீச்சரும் உன்னை  வாழ்த்துவாங்க.

இதை வாசிக்கிற தம்பிதங்கைகளே உங்க டீச்சரும் உங்களகண்டிக்கும் போது, அது நம்மநல்லதுக்குதான்னு எடுத்துக்கிடுங்க,!அப்புறம் ஏதுவாயிருந்தாலும் உங்க பெற்றோரிடம் பகிர்ந்துகொள்ளுங்கள். நீங்க எடுக்கிற முயற்சியாவையும் இயேசு தாமே வாய்க்கச்செய்வாராக!

 

மனப்பாடவசனம்

நல்யோசனைஉன்னைக்காப்பாற்றும் ; புத்திஉன்னைபாதுகாக்கும்நீதி .2:11

கிறிஸ்துவுக்குள்  அன்பான சிறுபிள்ளைகள் அனைவருக்கும்  இயேசுவின் நாமத்தில்  அன்பின்  வாழ்த்துக்கள்.

பதினெட்டு வயதில்   தன்  அன்புத்  தந்தையை  இழந்ததால்  தன்  பள்ளி  வாழ்க்கைக்கு ஒரு  முற்றுப்புள்ளி  வைத்துவிட்டு ஒரு  சிறிய  ஸ்தாபனத்தில் குறைந்த  ஊதியத்திற்கு  சேர்ந்தான் அருண். வேலையை  முடித்துவிட்டு  களைப்புடன் வீட்டிற்கு வந்தான். வீட்டிலோ அருணின்  தங்கை  உடல்நிலை  சரியில்லாமல்  இருப்பதை  பார்த்து, தேவன்  நம்மை  சற்று  அதிகமாகவே  சோதிக்கிறார். எனக்குள்  என்ன   குறை  என்பதை  தேவன் உணர்த்தினால்  நலமாயிருக்கும்  என்று  சோகத்துடன்  காணப்பட்டான்.

ஆனால் தாயோ, அருணை  பார்த்து மகனே, துயர  காலத்தில்  தான்  நமது  சுபாவ  குணங்களை  காண  முடியும். தேவன்  செய்வதெல்லாம்  நன்மையாகவே  இருக்கும் என்றார்கள். நாளைக்கு  அருண் தங்கையின்  பிறந்த  நாள், இன்று  அவளோ  வியாதியாயிருக்கிறாள். நமக்கோ போதுமான விசுவாசம்  இல்லை. அருண்  தனது  தங்கைக்கு  மருந்து   வாங்க  டவுனுக்கு சென்றான். அருண்  கடையை  நோக்கி  சென்று  கொண்டிருக்கும்  வேளையில்  தடாலென்று  சத்தம்  காணப்பட்டது. இவன்  சத்தம்  வந்த  திசையை  நோக்கி  பார்த்த  போது  தன் தங்கை  வயதையுடைய  ஒரு  சிறுமி  தலையில்  இரத்தம்  வடிய  விழுந்து  கிடந்தாள்.

இந்த  காட்சியைக்  கண்ட  அருண், காய்ச்சலுடன்  இருக்கும்  தன் தங்கையை  கவனிப்பதா, இச்சிறுமியை  கவனிப்பதா என  யோசிக்க  ஆரம்பித்தான். சிந்திப்பதெற்கு நேரமில்லை. சட்டென சிறுமியிடம்  சென்று  உன்  பெயர்  என்ன  என்றான்? ரேச்சல் என்றாள். கிறிஸ்தவ  பெயரைக்  கேட்டவுடன்  உள்ளத்தில்  இன்னும்  அதிகமாய்  பரிவு  ஏற்பட்டது. பக்கத்தில்  உள்ள  ஆஸ்பத்திரிக்கு சென்று  முதல் உதவியைப்  பெற்று  சிறுமியின்  வீட்டிற்கு  கூட்டிச்  சென்றான். இச்சிறுமியின்  வீட்டிலுள்ள  வேலைக்கார  அம்மாவிடம் நடந்ததைக்  கூறி  அவளை  வீட்டில்  விட்டுச் சென்றான். பின்பு  தன் வீட்டை  நோக்கி  வேகமாக  வந்தான்.

மருந்து  வாங்க  சென்ற  மகன்  மருந்தில்லாமல்  வெறுங்கையுடன் நின்றான். அருண்  தன்  அம்மாவிடம்  நடந்த சம்பவத்தை  கூறினான். தாயின்  உள்ளத்தில் ஒரு  புறம் தன்  மகனின்  தியாக  வாழ்க்கை, மறுபுறம்  மருந்தில்லாமல்  வெறுங்கையுடன் நிற்கும்  பரிதாப  நிலையை  பார்த்து  வருந்தினார்கள். அருண் அம்மாவைப்  பார்த்து, அம்மா  சோர்வடைய 

நன்மை செய்

இயேசுவின்  நாமத்தில் வாழ்த்துக்கள்! என்அன்புகுட்டிகளே உங்களுடன் மீண்டும் இந்த உரையாடல் மூலம் சந்திப்பதில் மகிழ்ச்சியடைகிறேன்.

இந்த மாதம் நண்பர்களை பற்றி பார்ப்போம்! ரனில் அம்மா  ரனிலை அன்புள்ளவனாக ,நல்ல குணம் உள்ளவனாக ,மற்றவர்களை நேசிக்கவும் ,உதவி செய்பவனாக வளர்த்தார்கள். அனில் அம்மா அவனை மனம் போன போக்கில் வளர்த்தனர்.கண்டிஷன் இல்லாமல் வளர்த்தனர்.இருவரும் வளர்ந்து காலேஜ் படிக்கும் போது நண்பர்களானார்கள்.

இருவரும் காலேஜ் படிக்கும் போது இமயமலை ஏறும் போட்டியில் பங்கு பெற்றனர் .மூன்று நாட்களாக மலை ஏரிய  இவர்கள் போகும் வழியில் ஒரு வாலிபன் மலை எற முடியாமல் கீழே விழுந்து கிடப்பதை பார்த்தார்கள். அப்பொழுது ரனில் தன்னுடைய நண்பனான அணிலை பார்த்து இவனுக்கு உதவி செய்ய வேண்டும் என்றான்.ஆனால் அனில் இவனுக்கு உதவி செய்தால் நாம் தோற்றுப்போவோம் நீ வேணும்னா உதவி செய் நான் போகிறேன் என்று சொல்லி புறப்பட்டான்.

மற்றவர்களுக்கு உதவி செய்யும் குணம் கொண்ட ரனில் கீழே விழுந்து கிடந்த அவனை தன்னுடைய முதுகில் சுமந்து புறப்பட்டான். கடுமையான குளிரில் நடந்தனர். நடக்க நடக்க ரனில் உடம்பில் உள்ள வெப்பம் தன்னுடைய முதுகின் மேல் கிடந்தவன் உடம்பில் பட்டது.வெப்பம் இறங்க இறங்க அவனுக்கு பெலன் கிடைத்தது . இருவரும் நடக்க ஆரம்பித்தனர். ஒரு நாள் பிரயாண தூரத்துக்கு அப்புறம் ரனில் போகும் வழியில் இன்னொருவர் கீழே விழுந்து கிடப்பதை பார்த்தான் இருவருமாக சேர்ந்து அவனுக்கு உதவி செய்ய வேண்டும் என்று கிட்ட போய் அவனை தூக்கிய போது அவன் குளிரால் பாதிக்கப்பட்டுஇரத்தம் உறைந்து  இறந்து கிடந்தான்.

அவன் வேறுயாரு மல்ல ரணிலின் நண்பன் அனில் தான் அவன் இதை வாசிக்கின்ற என் மாணவ பிள்ளைகளே உங்களுக்கு தெரியாமல் உங்களை உருவாக்குகிற நல்ல பெற்றோருக்காய் கர்த்தருக்கு நன்றி சொல்லுங்கள் .வளர்ந்து வருகின்ற நீங்கள் உங்கள் பெற்றோருக்கும்,மற்ற எல்லோருக்கும் ஆசீர்வாதமானவர்களாக இருங்கள்!.

மனப்பாட வசனம் :

நன்மை செய்யும் படி  உனக்கு திராணியிருக்கும் போது,அதை  செய்யத்தக்கவர்களுக்குச் செய்யாமல் இராதே. நீதி .3:27

இதயம் :-

இயேசுவின்  நாமத்தில்  உங்கள்  அனைவருக்கும்  வாழ்த்துக்கள். ஹலோ  செல்லங்களா   கோடை  விடுமு றையை கொண்டாடுகிறீர்களா  நல்லது  தான். எனக்கும்  நான்  சிறுவனாக  இருக்கும்  போது  விளையாடியவை  ஞாபகம்  வருகிறது  சரி  இருக்கட்டும்.

இந்த  மாதம்  நான்  சிறுவர்களாகிய  உங்களிடம்  ஒரு  கேள்வியை  வைக்கிறேன். முடிவில்  பதில்  தாருங்கள். நாம்  இன்று நமக்குள்  இருக்கும் இருதயத்தை பற்றி  சற்று  சிந்திப்போம்  என்று  சண்டே  கிளாஸ்  டீச்சர்  இஸ்ரவேல்  அண்ணன்  ஆரம்பித்தார்கள். சிறுவர்கள்  எல்லாரும்  சரி  என்று  சொன்ன  உடனே    இஸ்ரவேல்  அண்ணன் தம்பி!. தங்கச்சி!. நம்முடைய  உடலை  இரண்டாக  வெட்டினால்  (சரியாக  பிரித்தால்) எல்லா  உறுப்பும்  சரியாக  பிரியும். ஆனால்  இதயம்  மட்டும் ஒரு  பக்கமாக  ஒதுங்கி  விடும். நம்  உடம்பில்  இதயம்  ரொம்ப .... முக்கியம். நாம்  உயிர்  வாழ  இதய  துடிப்பு  ரொம்ப.....ரொம்ப .....முக்கியம். அதைப் போல  நாம்    நல்லவங்களா  இருப்பதும்  கெட்டவங்களா  இருப்பதும்  நம்  இருதயத்தில்  இருப்பதை  வைத்துதான்  தீர்ப்பு  இருக்கும்.

நம்  இருதயத்தில்  இருள்  அல்லது  வெளிச்சம்  ஆகிய  இரண்டில்  எதாவது  ஒன்று  தான்  இருக்கும். வெளிச்சம்  என்கிற  பொக்கிஷம்   இதயத்தில்  இருந்தால்  நல்லதை  பேசுவான். நல்லதை  செய்வான்  நல்ல  பையன்  என்று  பெயரும்  பெருவான். இருள்  இருந்தால்  உங்களுக்குள்  கெட்ட சுபாவங்கள்  வெளிப்படும்  ஏன  சண்டே  கிளாஸ்  டீச்சர்  சொன்னதும்  உடனே  எழுந்து  சரி  தான். எங்க  வீட்டுப்  பக்கத்தில்  ஒரு  அக்கா  எப்போதும்  சண்டை  போட்டுக்கொண்டே  இருப்பாங்க  அதற்கு  சண்டே  கிளாஸ்  டீச்சர்  நாம  அப்படி  இருக்க  கூடாது. வெளிச்சத்தின்    பிள்ளைகளா  (இயேசுவின்  பிள்ளைகளா) இருக்கனும்.

(இதை  வாசிக்கிற  அன்பு  உள்ளங்களே  விடுமுறை  நாட்களில் கெட்ட  விஷயங்களை கற்றுக்கொள்ளாதீர்கள்)

 

மனப்பாட  வசனம்:

இருதயத்தின் நிறைவினால் அவனவன்  வாய்  பேசும். (லூக்கா  6:45)

 

அமருங்கள்

இயேசுவின் நாமத்தில் வாழ்த்துக்கள் !

என்னப்பா ரொம்ப கஷ்டமாக இருக்கிறதா தலைப்பே அமருங்கள் என்றதும் அடிக்கடி இந்த வார்த்தையை கேட்ட ஞாபகம் வருமே உண்மைதானே ! அதோடு என் மேல் கோபமும் வருமே கோபப்படாதீங்க குட்டிங்களா . விஷயம் இருக்கு அதனால தான் சொல்லுகிறேன் அமைதியாய் அமருங்கள் என்று .நான் இப்பொழுது உங்களிடம் ஒரு கேள்வியை கேட்க்கிறேன் .குளிர்சாதன பெட்டி (பிரிஜ்) கண்டு பிடிப்பதற்கு முன்பு பொருட்களை எப்படி பதப்படுத்தியிருப்பார்கள் என்று தெரியுமா இக்ளூ போன்ற பனிக்கட்டிகளால் ஆனா வீட்டிற்குள் வைத்துதான் பாதுகாத்தார்கள் .அதில் ஜன்னல்கள் இருக்காது ஆனால் இறுக்கமாக மூடக்கூடிய கதவு ஒன்று மட்டும் இருக்கும் குளிர்காலத்தில் ஏரிகளில் உறைந்து கிடக்கும் பெரிய பனிக்கட்டிகளால் அந்த பனிக்கட்டிகளுக்கு மேல் மரத்தூளை போட்டு மூடிவிடுவார்கள் .

ஒரு மனிதன் இந்த பனிக்கட்டி வீட்டிற்குள் வேலை செய்து கொண்டு இருந்த போது ,தன்னுடைய விலையுயர்ந்த கடிகாரத்தை உள்ளேயே வைத்து விட்டு வந்துவிட்டான் .உள்ளே சென்று மிகுந்த பதற்றத்துடன்  பனிக்கட்டிகள் மேல் கொட்டபட்டிருந்த மரத்தூளை கலைத்துத் தேடிப் பார்த்தான் .அவனால் கண்டு பிடிக்க முடியவில்லை. அவனுக்காக அவனோ பணிபுரியும் வேலையாட்களும் உள்ளே  சென்று தேடிப்பார்த்தார்கள் .ஒருவராலும் அதைக் கண்டுபிடிக்க முடியவில்லை இதை வாசிக்கிற என் அன்பு தம்பி உன்னை போல ஒரு சிறுவன் ஐயோ நான் உங்கள் கை கடிகாரத்தை  கண்டு பிடித்து தரவா என்றான் .சரி என்று அந்த ஐயா சொல்ல உள்ளே சென்று கதவை பூட்டிய சிறுவன் அமைதியாக மரத்தூள் மேல் அமர்ந்தான் கொஞ்ச நேரத்தில் டிக் டிக் டிக் என்று கை கடிகாரத்தின் சத்தம் கேட்டது .அதை எடுத்து வந்து அந்த ஐயாவிடம் கொடுத்தான். உன்னால் எப்படி முடிந்தது என்று எல்லாரும் கேட்க ஐயா நீங்கள் யாரும் அமைதி காக்கவில்லை நான் உள்ளே போய் கொஞ்ச நேரம் அமைதியாக அமர்ந்தேன் சத்தம் கேட்டது எடுத்து வந்தேன் என்றான் .இதை வாசிக்கின்ற என் அன்பு சிறுபிள்ளைகளே நீங்களும் இந்த சிறு வயதில் தினந்தோறும் இயேசப்பாவை நோக்கி அமர்த்திருங்கள் ஜெபியுங்கள் உங்களுக்கான ஆசீர்வாதங்களை சுதந்தரியுங்கள் .

மனப்பாட வசனம்

கர்த்தரின் ஆசீர்வாதமே ஐசுவரியத்தை தரும் நீதி .10:22

மன்னிப்பு

ஹாய் குட்டீஸ் உங்கள் அனைவருக்கும் இயேசுவின் நாமத்தில் வாழ்த்துக்கள்!

      சாந்தி வரைந்த படம் சரியாகவே வரவில்லை.ரப்பரை எடுத்து அழித்தாள்.படம் கருப்பானதுதான் மிச்சம்! அவளுடைய ரப்பர் கருத்துப் போய் இருந்தது. அவளுக்கு எரிச்சல் வரவே,எழுந்து சென்ற அவள் சுவரில் ரப்பரை வைத்துத் தேய்த்தாள்.அப்படியாவது ரப்பர் வெள்ளை ஆகாதா என்ற எண்ணம்தான்! டீச்சர் இதைக் கவனித்து.சாந்தி,அங்கே என்ன பண்ணுகிறாய்?என்று அதட்டினார்கள்,சாந்தி ஒன்றுமே பதில் சொல்லாமல் தன் இடத்திற்கு திரும்பினாள்.பாதி வழியில் அப்படியே நின்றுவிட்டாள் அவள்.லதாவுக்கு முன்னால் மேசையில் ஓர் அழகான மிக்கிமெளஸ் ரப்பர் இருந்தது அவள் தன் அப்பாவிடம் மிக்கிமெளஸ் ரப்பர் வேண்டுமென்று கேட்டுக் கொண்டிருக்கிறாள்.அவரோ இன்னும் வாங்கித் தரவில்லை.லதாவிடம் இருக்கும் ரப்பர் தன்னிடம் இருந்தால் நன்றாக இருக்கும் என்று நினைத்த சாந்தி,மெதுவாக கையை நீட்டி லதாவின் ரப்பரை எடுத்துக் கொண்டாள்.அந்த ரப்பரை தன் பள்ளிக்கூட பைபிள் உள்ளே அதை திணித்தாள்.டீச்சரிடம் பேசிவிட்டு திரும்பிய லதா மேசை மீது இருந்த ரப்பரைக் காணாமல் திகைத்தாள்.டீச்சர்,என்னுடைய  ரப்பரைக் காணோம் என்று கத்தினாள்.அங்கேதான் வைத்திருப்பாய் தேடிப்பார் என்று சொல்லிவிட்டார்கள் டீச்சர் சாந்தியோ.டீச்சர் என்னுடைய ரப்பரை எங்கேயும் காணோம் என்று அழுதாள்,டீச்சர் அவளைச் சமாதானப்படுத்தினார்கள்.பிள்ளைகளைப் பார்த்து,லதாவின் ரப்பரை யாராவது எடுத்திருந்தால் கொடுத்துவிடுங்கள் என்று கூறினார்கள்.பிள்ளைகளோ நாங்கள் பார்க்கவில்லை என்று சொல்லிவிட்டார்கள்.சாந்தி தன் பையிலிருந்து மிக்கிமெளஸ் ரப்பரை எடுத்து தன் வீட்டின் அலமாரியில் ஓரமாக ஒளித்து வைத்தாள்.அதை பார்க்கும்போதெல்லாம் அவளுக்கு வருத்தமாகத்தான் இருந்தது.ஏண்டி,எண்ண ஆயிற்று நானும் வந்த நேரத்திலிருந்து கவனித்துக் கொண்டிருக்கிறேன்.ஒரு மாதிரியாக இருக்கிறாய் என்ன நடந்தது என்றுதான் சொல்லேன் என்று வற்புறுத்தினார்கள் அம்மா.அதற்குமேல் மறைத்து வைக்க சாந்தியால் முடியவில்லை.அவள் நேரே அலமாரிக்குச் சென்று அந்த மிக்கிமெளஸ் ரப்பரை எடுத்து வந்தாள்.இது... இது...லதாவின் ரப்பர்.அவளுக்குத் தெரியாமல் எடுத்து வந்துவிட்டேன் என்று கூறினாள் சாந்தி.உடனே இயேசு சாமியிடம் மன்னிப்புக் கேள் என்று கூறினார்கள் அம்மா.முழங்காற்படியிட்ட சாந்தி,ஆண்டவரே,நான் தப்புப் பண்ணிவிட்டேன்.என்னை மன்னித்து எனக்கு உதவும் நாளை நான் டீச்சரிடம் போய்ச் சொல்லும்போது நீரே எனக்குத் துணையாக இரும் என்று ஜெபித்தாள் மனநிம்மதியுடன் படுத்து உறங்கினாள்.மறுநாள் சாந்தி நேரே டீச்சரிடம் சென்றாள்.அவள் தயங்கியபடி,தன் கையிலிருந்த ரப்பரை நீட்டினாள்.டீச்சர் தான் நேற்று லதாவின் ரப்பரை எடுத்துவிட்டேன் என்னை மன்னித்துக்கொள்ளுங்கள் என்று கெஞ்சினாள் சாந்தி.நீ செய்தது தப்புதான் ஆனால் நீ அதை உணர்ந்துவிட்டாய் வெரிகுட் நல்ல பிள்ளை... என்று கூறிய டீச்சர் அவள் முதுகில் தட்டிக் கொடுத்தார்கள்! அவர்களாகவே லதாவைக் கூப்பிட்டு அந்த ரப்பரைக் கொடுத்தார்கள்.லதா சாந்தியைப் பார்த்துச் சிரித்தாள்.சாந்தியும் மகிழ்ச்சியோடு சிரித்தாள்.

அன்பு பிள்ளைகளே! நீங்களும் உங்கள் தவறுகளை இயேசுவிடம் அறிக்கையிட்டு மன்னிப்புக்கேட்டால் அவர் உங்களை மன்னித்து ஆசீர்வதிப்பார்.ஆமென்.

உலகத்திலே வந்து எந்த மனுஷனையும் பிரகாசிப்பிக்கிற ஒளியே அந்த மெய்யான ஒளி 1 யோவான் 1:9

கீழ்படித்தல்

இயேசுவின் நாமத்தில் குட்டீஸ் அனைவருக்கும் வாழ்த்துக்கள் !

டேய் ராஜா அந்த பண்ணையார் தோப்பைப் பார்த்தாயா ? என்றான் ரவி. இது என்னடா கேள்வி நாள்தோறும் இதே வழியில் தானே பள்ளி செல்கிறோம் .தோப்பை பார்க்காமலா இருக்க முடியும் என்றான் ராஜா .சரி இப்ப அதற்கென்ன என்றான் ராஜா .

அதற்கு ஒன்றுமில்லை .... அங்குள்ள மாமரத்தில் பழங்கள் தொங்கிக் கொண்டிருக்கிறதைப் பார்க்கும் போதே பறித்துச் சாப்பிட வேண்டும் போல் இருக்கிறது என்றான் ரவி .இவ்வாறு இருவரும் பேசிக் கொண்டு செல்லும் போது அங்கு வந்த ஜாண் என்ன இருவரும் பெரிய திட்டமிடுகிறது போல் தெரிகிறது தெரிகிறதே என்றான்.அப்படி ஒன்றும் பெரிதான திட்டமில்லை பள்ளி முடிந்து வரும் போது அந்த பண்ணையார் வீட்டு மாந்தோப்பில் சென்று மாம்பழம் பறிக்கலாம் என ரவி கூறுகிறான்.என்று ராஜா சொன்னதும் டேய் நீ ஞாயிறு பள்ளியில் நமக்குக் கற்றுக் கொடுத்ததை மறந்து விட்டாயா? டேய் நீ ஞாயிறு பள்ளியில் நமக்குக் கற்றுக் கொடுத்ததை மறந்து விட்டாயா? பிறர் பொருளுக்கு ஆசைப்படக்கூடாது .தேவ வசனத்துக்கு கீழ்ப்படிய வேண்டும் என்று புத்தி சொன்னான்.சரி போயா ,உனக்கென்ன தெரியும் என்று ராஜா ,ரவி இருவரும் சொல்லிக் கொண்டே பள்ளி சென்றனர்.

மாலை பள்ளி முடிந்து வரும்போது ராஜா ,ரவி இருவரும் திட்டமிட்டபடி பண்ணையார் தோப்பிற்குள் நுழைந்தனர். ரவி வேகமாக மரத்தில் ஏறி பழங்களைக் பறித்ததுப் போட ராஜா வேகமாக ஓடி ஓடி பொறுக்கினான் .திடீரென்று எங்கிருந்தோ வந்த காவலாளியின் சத்தம் கேட்டதும் ஓடி ஓடி பொறுக்கின பழங்களையெல்லாம் போட்டுவிட்டு ஓடிவிட்டான் ராஜா.

தப்பித்தால் போதும் என்று மரத்திலிருந்து குதித்து தோட்டத்தை விட்டு வெளியே வந்து விட்டான் ரவி ஆனால் நடக்க முடியவில்லை. கால் அதிகமாக வழித்ததால் நொண்டி நொண்டி நடந்து தனிமையில் வீடு வந்து சேர்ந்தான் .பெற்றோரிடம் உண்மையைக் கூறி <

களவு செய்யாதிருப்பாயாக

பொன்னன் என்ற விவசாயிக்கு கொஞ்சம் நிலமும் இரு உழவுமாடுகளும் இருந்தன. நிலத்தில் வரும் கொஞ்ச வருமானத்தைக் கொண்டு மகிழ்ச்சியுடன் வாழ்ந்து வந்தனர். பொன்னன் பிறர் பொருளுக்கு ஆசைப்படாதவர் .

ஒருநாள் அவரது உழவுமாட்டில் ஒன்று நோயுற்று இறந்துவிட்டது. சில நாட்கள் சென்ற பின் மனைவி நோயுற்றாள். மருத்துவம் பார்க்க பணம் இல்லாத காரணத்தினால் உழவு மாட்டை விற்பதற்காக தூரத்திலுள்ள சந்தைக்கு ஓட்டிச்சென்றார். போகும் வழியில் சவுக்குத் தோப்பு வந்த போது அங்கு மறைந்திருந்த மாடசாமி என்பவன் பொன்னனை அடித்துக் காயப்படுத்திவிட்டு மாட்டை சந்தைக்கு ஒட்டிச் சென்றுவிட்டார்.

பொன்னன் எழும்பமுடியாமல் காயத்தின் வலியினால் முனங்கிக் கொண்டிருந்தான். அப்பொழுது அங்கு வந்த மாடு மேய்க்கும் சிறுவர்களால் காப்பாற்றப்பட்டு மாடு விற்கும் சந்தைக்கு அழைத்து செல்லப்பட்டார். அங்குள்ள காவலரிடம் உண்மையைக் கூறி அவரது ஆலோசனைப்படி சந்தையில் மாடசாமியோ 'இது  என்னுடைய மாடு;தர முடியாது' என்றான். உடனே பொன்னன் மாட்டின் கண்களைத் துண்டால் மூடி எனது மாட்டிற்கு ஒரு கண் குருடு என்றும் அது எந்தக்கண் என்று கூறிவிடு தந்து விடுகிறேன் என்றார். செய்வதறியாது திகைத்தான் மாடசாமி சற்று தயங்கிய பின் இடதுகண் குருடு என்றான். காவலர் சோதித்துவிட்டு இரு கண்களும் நன்றாயிருப்பதை அறிந்து பொன்னனிடம் மாட்டை ஒப்படைத்தார். மாடசாமிக்கோ 6 மாத சிறைத்தண்டனையும் , பொன்னனுக்கு ரூபாய் 1000 கொடுக்குமாறும் தீர்ப்பளிக்கப்பட்டது.

பிறர் பொருளுக்கு ஆசைப்பட்டு திருடிச்சென்ற மாடசாமி சிறைச்சாலை சென்றான். பொன்னன் கிடைத்த பணத்தைக் கொண்டு மீண்டும் ஒரு உழவுமாடு வாங்கி மனைவிக்கு மருத்துவமும் பார்த்து நோய் நீங்கி மகிழ்ச்சியுடன் வாழ்ந்தனர்.23.09.2018 அன்றைய செய்தியில் கூட 15 வயது சிறுவன் சிறு வயதிலேயே பல திருட்டுகளைச் செய்து வந்ததாகவும், அநேகரது செல்போனைத் திருடியதாகவும் யாரோ சிலர் அவனை அடித்து கொன்று விட்டதாகவும் கூறப்பட்டது. இளம்வயதில் சந்தோஷமாய் வாழ வேண்டிய சிறுவன் தவறான குணத்தால் மறுத்துவிட்டான்.

என் அன்பு பிள்ளைகளே! உங்களிடம் உள்ளதில் சந்தோஷமாயிருங்கள். நல்ல குணங்களைத் தாரும் என்று இயேசப்பாவிடம் கேட்டுப் பெற்றுக்கொள்ளுங்கள். தேவன் தாமே உங்களை ஆசீர்வதிப்பாராக.

மனப்பாட வசனம் : பிறனுடைய வீட்டை இச்சியாதிருப்பாயாக ; பிறனுடைய மனைவியையும் ,அவனுடைய வேலைக்காரனையும் அவனுடைய வேலைக்காரியையும் ,அவனுடைய எருதையும் ,அவனுடைய கழுதையையும் பின்னும் பிறனுக்குள்ள யாதொன்றையும் இச்சியாதிருப்பாயாக என்றார். யாத்.20:17

 

இயேசுவின் நாமத்தில் குட்டீஸ் அணைவருக்கும் அன்பின் வாழ்த்துக்கள் !

                  ரூபனும் சாம்சனும் நெருங்கிய நண்பர்கள் . ஞாயிறு தோறும் ஆலயம் முடிந்தவுடன் இருவரும் சேர்ந்து ஞாயிறு பள்ளிக்குச் சென்று வேதவசனங்களையும் நல்ல அறிவுரைகளையும் கற்றுக் கொண்ட பின்னர் தான் வீட்டிற்குச் செல்வார்கள். இருவரும் பத்தாம் வகுப்பு படித்துக் கொண்டிருந்தனர்.

                 ஒரு நாள் ஆராதனை முடிந்தவுடன் சாம்சன் கிரிக்கெட் போட்டி பார்க்கப்  போவதாகக் கூறினான். ரூபன், ஞாயிறு பள்ளி முடிந்தவுடன் தானும் வருவதாகக் கூறிய போதும் அவன் ஞாயிறு பள்ளிக்கு ரூபனுடன் செல்லாமல் வேறு நண்பர்களுடன் கிரிக்கெட் போட்டி பார்க்கச் சென்றான். ரூபன் ஏமாற்றம் அடைந்தாலும், பொறாமைப்பட விரும்பவில்லை. அவ்வப்போது சாம்சன் மற்ற நண்பர்களுடன் சேர்ந்து   போகத்துவங்கினான்.

                 சாம்சன்   ஒரு நாள்   ரூபனைத் தன்னோடு சினிமா பார்க்க அழைத்த போது, ரூபன் திடுக்கிட்டான். ரூபன்  ஒரு போதும் சினிமா பார்க்கச் சென்றதில்லை. எனவே சாம்சன் கூப்பிட்ட போது, இது தேவனுக்குப் பிரியமில்லாத  செயல் என்று கூறி மறுத்து விட்டான்.

                சாம்சன் தவறான பழக்கங்களைப் பழகுகிறான்,அதிகமாக பணம் செலவழிக்கிறான் என்பதைக் கவனித்த ரூபன், அதைக் குறித்து சாம்சனிடம் கேட்டான். தவறான பழக்கங்களுக்குத் தேவையான பணத்தை வீட்டிலிருந்து தெரியாமல் திருடுவதையும் அறிந்து கொண்ட ரூபன், தவறான பழக்கங்களை விட்டு விடுமாறும், தீய நண்பர்களை விட்டு விடவும்எச்சரித்து அறிவுரை கூறினான். மேலும்  சாம்சனின் பெற்றோரிடம், அவனுடைய நன்மைக்காகவே கூறுவதாகவும் எச்சரித்து விட்டு அவனது செயலைப் பற்றி அவனுடைய அப்பாவிடம் ரூபன் கூறிவிட்டான்.அப்பா சாம்சனைத் திட்டி, பின்னர் பணத்தைப் பூட்டி வைக்கத் துவங்கினார்.இருவரது நட்பும் முறிந்தது.

              ஒரு சனிக்கிழமை சாயங்காலம் ரூபன் கிரிக்கெட் விளையாட மைதானத்திற்குச் சென்றான்.அங்கு ஒரு மரத்தடியில் சில பையன்கள் குடிப்பதும், புகை பிடிப்பதும், சூதாடுவதுமாக இருந்தனர்.அவர்களுடன் சாம்சனும் புகைப்பிடித்துக் கொண்டு இருப்பதைக் கண்டு வேதனையுடன் அருகில் சென்று,உன் பெற்றோர் உன்னை எவ்வளவாய் நேசித்து, பணம் கட்டி படிக்க வைக்கிறார்கள். நீயோ அவர்களை ஏமாற்றுகிறாயே, என்று அறிவுரை கூறினான். இதைக் கண்ட சாம்சனின் புதிய நண்பர்கள் கோபமடைந்து ரூபனை அடித்து விரட்டி விட்டனர்.

             ரூபன் துக்கத்துடன் நண்பனுக்காக ஜெபிக்கத் துவங்கினான்.ஒரு நாள் சூதாடின குற்றத்திற்க்காக சாம்சனையும் அவனது நண்பர்களையும் போலீஸ், காவல் நிலையத்திற்கு அழைத்துச் சென்று அவர்களது பெற்றோர்களை வரவழைத்து எச்சரித்து விடுவித்தனர்.இனி இவ்வாறு செய்தால் சிறை செல்ல நேரிடும் என்று எச்சரித்து அனுப்பினர். சாம்சன் கெட்ட நண்பர்களுடன் சேர்த்து தவறான செயல்களில் ஈடுபட்டபடியால், பத்தாம் வகுப்பில் தோல்வியுற்றான்.

            ரூபனிடம் வந்து தன் தவறுக்காய் வருந்தினான். தீய நண்பர்களை விட்டு விட்டு, வேதவசனத்துக்கும், நல்ல அறிவுரைகளைக் கூறும் பெற்றோருக்கும், நல்ல நண்பர்களுக்கும் கீழ்படிந்து நடக்க தீர்மானம் எடுத்தான். நண்பனின் மனமாற்றம் ரூபனை மகிழ்ச்சி அடையச் செய்தது. இருவரும் மீண்டும் சேர்ந்து இயேசுவின் பிள்ளையாய் வாழ்ந்தனர்.

           அன்பான குட்டிப்பிள்ளைகளே நம் பெற்றோர் மற்றும் நல்ல நண்பர்கள், நாம் தவறு செய்யும் போது  நம்மை எச்சரித்து கண்டிப்பார்கள்.அது வேதனை அளித்தாலும், அவர்கள் சொல்லும் நல்ல அறிவுரைகளுக்குக் கீழ்ப்படிந்து நடவுங்கள். அப்பொழுது உங்கள் எதிர்கால வாழ்க்கை பிரகாசமாயிருக்கும்.

 

மனப்படவசனம்:   எபி  12 : 11.   எந்த சிட்சையும் தற்காலத்தில் சந்தோஷமாய்க் காணாமல் துக்கமாய்க் காணும், ஆகிலும் பிற்காலத்தில் அதில் பழகினவர்களுக்கு அது நீதியாகிய சமாதான பலனைத் தரும்.

இயேசு வந்தார்

  அன்பு குட்டீஸ், அணைவருக்கும் கிறிஸ்துமஸ் வாழ்த்துக்கள்.

                                                ஓர் ஆலயத்தில் அறிவிப்புப் பலகையில், கிறிஸ்துமஸ் தினத்தன்று இயேசு அவ்வூருக்கு வருகை தரப்போகிறார் என்ற அறிவிப்பு  இருந்தது. எல்லோரும் ஆயத்தமாயிருங்கள். யார் வீட்டிற்காவது வருவார் என்றார் போதகர். ஒவ்வொரு வீட்டிலும் தடபுடலாக ஆயத்தங்கள் நடைபெற்றன. வீடுகள் சுத்தமாயின. அடுப்படியில் கோழி, மீன், மட்டன் வாசனை மூக்கைத் துளைத்தது. யாவரும் இயேசுவின் வருகைக்காக ஆவலுடன் காத்திருந்தனர்.

                                                கிறிஸ்துமஸ் தினம் குளிர் ஆட்டியது. ஏழை விதவையொருத்தி சுகவீனமானதொரு குழந்தையுடன் குளிர்காற்றில் நடுங்கிக் கொண்டே பசியோடும், பலவீனத்தோடும் நடந்து வந்தாள். ஒரு வீட்டுக் கதவைத் தட்டினாள். " இயேசுவாகத்தான் இருக்க வேண்டும்." என உள்ளிருந்து உற்சாகமான குரலெழும்ப கதவு திறக்கப்பட்டது.  இல்லத்தரசியின் முகத்தில் ஏமாற்றம்.  கதவு சட்டென்று மூடப்பட்டது.  பரிதாபமாகக் கையை நீட்டியிருந்த விதவை கையை முடக்கிக் கொண்டாள். மெலிந்த அந்த பெண்மணி வீட்டிற்குவீடு  சென்று அதே வரவேற்பைப் பெற்றாள். இறுதியாக ஒரு வீட்டுக் கதவு திறந்தது. ஒருவர் வெளியே தலை நீட்டினார். "யாரம்மா நீ ?" என்று கேட்டார். "ஐயா, நாள் முழுவதும் ஒன்றும் சாப்பிடவில்லை, குழந்தையும் நோய்வாய் பட்டிருக்கிறது, ஐயா தயவு செய்து உதவுங்கள் என்றாள். உள்ளே வாருங்கள் என்று சொல்லிய அவர், கதவை அகலமாய் திறந்தார். பயத்துடனே உள்ளே வந்து, தயக்கத்துடன் நின்றாள். "என்ன, இப்படி நடுங்குகிறீர்கள்? அடுப்பு பக்கத்தில் உட்காருங்கள்" என்று சொல்லி, அடுப்பு பக்கமாய் ஒரு நாற்காலியை இழுத்துப் போட்டார். "டெய்சி, இயேசுவுக்காக சூப் செய்திருந்தாயே, இந்த அம்மாவுக்குக் கொஞ்சம் சூடாக கொண்டு வருகிறாயா? அந்த கம்பளி கோட்டைக் கொடு, ஒரு தட்டில் சாப்பாடு போட்டுக் கொண்டுவா," என்று சத்தம் கொடுத்தார். ஜுரத்தில் முனங்கிக் கொண்டிருந்த குழந்தையைத் தொட்டுப் பார்த்தார். "மகனே, அந்த ஜூர மருந்து பாட்டிலையும் ஒரு டீஸ்பூனும் கொண்டுவா."  என்று மகனை அவசரப்படுத்தினார்பிரயோஜனப்படுத்திக் கொள்

    அன்பான குட்டீஸ், அணைவருக்கும் இயேசுவின் நாமத்தில் புத்தாண்டு வாழ்த்துக்கள். கடந்த ஆண்டு முழுவதும் நம்மை நடத்தி, புதிய ஆண்டை தந்த தேவனுக்கு நன்றி செலுத்துங்கள்.

                         ஒரு ராஜா தன் மகன்கள் மூவரையும் அழைத்து, ஒவ்வொரு நாள் காலையிலும் உங்கள் வங்கிக் கணக்கில் ரூ.86,400 /- சேர்க்கப்படும்.        ஆனால் இந்த பணத்தை நீங்கள் அன்றே செலவழித்து விட வேண்டும்.இல்லையென்றால் அந்த பணம் வங்கி கணக்கில் சேர்ந்து விடும் என்றார். மகன்கள் மூவரும் ஒவ்வொரு நாளும் எப்படி செலவழிக்கலாம். எதில் முதலீடு செய்யலாம் என பல விதமாக சிந்தித்தார்கள். எப்படியாவது ஒரே நாளில் ரூ.86,400 /- யும் ஒரு ரூபாய் கூட மீதமின்றி எடுத்து செலவழிக்க அல்லது முதலீடு செய்ய திட்டமிட்டார்கள்.

                         பிள்ளைகளே! இதே போல தான் நம் இயேசு ராஜா நம் ஒவ்வொருவருக்கும் ஒவ்வொருநாளும் 86400 வினாடிகளை,  நாம் செலவழிக்கும் படியாகக் கொடுக்கிறார். அந்தந்த நாளிலே நாம் இதனை நல்ல விதமாக செலவழிக்க வேண்டும் அல்லது நல்ல விதமாக முதலீடு செய்ய வேண்டும்.

                    ஒவ்வொரு நாளும் நமக்கு தரப்படும் 86400 வினாடிகளை நாம் சரியாக பயன்படுத்தாவிடில் அதில்  மிச்சம் எதுவுமே இருக்காது. அடுத்த நாள் புதிய கணக்கு தொடங்கப்படும். முந்தைய நாளின் செலவழிக்காத  நேரம் புதிய நாளில் கூட்டித் தரப்படமாட்டாது. எனவே ஒவ்வொரு நாளும் நமக்கு கொடுக்கப்படும் நேரம் அனைத்தையும் நல்ல விதமாக செலவழிப்போம். பயனுள்ளவற்றில் முதலீடு செய்வோம்.

                   கடந்து போன நாட்கள் ஒரு நாளும் திரும்பாது. இதனை வாசிக்கின்ற குட்டி பிள்ளைகளே! இந்த நாள், நம் வாழ்விலும் சரி, வரலாற்றிலும் சரி மீண்டும் வரப்போவதே கிடையாது. தேவன் நமக்கு ஈவாகத்தரும் ஒவ்வொரு நாளையும் நேசிப்போம். மகிழ்ச்சியுடன் பயனுள்ள காரியங்களைச் செய்து காலத்தைப் பிரயோஜனப் படுத்திக் கொள்வோம்.

                    அன்பு பிள்ளைகளே, இந்த புதிய ஆண்டு முழுவதும் நம் ஆவி, ஆத்துமா, சரீரத்துக்கு பயனுள்ள செயல்களை ஒவ்வொரு நாளும் செய்து, வாழ்க்கையை மகிழ்ச்சியுடன் வாழ்ந்து வளம் பெறுவோமாக.  ஆமென்.

மனப்பாட வசனம் :-  எபேசியர் 5 : 16 . நாட்கள் பொல்லாதவைகளானதால் காலத்தைப் பிரயோஜனப்படுத்திக் கொள்ளுங்கள்.

கொஞ்சத்திலும் உண்மையாயிரு

     அன்பான குட்டீஸ் அணைவருக்கும் இயேசுவின் நாமத்தில் வாழ்த்துக்கள்.

                          அன்று விடுமுறை நாளாக இருந்தபடியால் கடற்கரையில் மக்கள் கூட்டம் அதிகமாக இருந்தது. அநேகர் கடற்கரையில் நின்று கடல் அலைகளை கண்டு ரசிப்பதற்க்காகவும், அங்குள்ள குளிர்ச்சியான காற்றை அனுபவிப்பதற்காகவும் வந்திருந்தனர். சிலர் கடல் நீரில் விளையாடி, குளித்து மகிழ்ந்தனர். சிலர் அமர்ந்து கடலின் அழகையும், கரை தெரியாத விரிந்துள்ள நீர்ப்பரப்பையும் பார்த்து அதிசயித்து நின்றனர்.

     அச்சமயம் மணல் திட்டில் கடல் அலைகள் பாய்ந்து மறுபக்கம் வடிவதை ஒரு சிறுவன் கவனித்துக் கொண்டிருந்தான். அந்த அலைகள், பல சிறு மீன்களை உயிருக்குப் போராட துள்ளித்தவிக்க விட்டுச் சென்றது. அம்மீன்கள் மூச்சுவிடமுடியாமல் உயிருக்குப் போராடியது. அங்கும் இங்கும் துள்ளியதுஇதைக் கண்டு பரிதாபப்பட்ட அச்சிறுவன் ஒவ்வொன்றாகப் பொறுக்கி கடலில் விட்டு, அவைகள் அதிக மகிழ்ச்சியுடன் அலைகள் மத்தியில் வாலாட்டி ஓடுவதைக் கண்டு உற்சாகம் கொண்டான்.

                            இச்சிறுவனைக் கவனித்துக்கொண்டிருந்த ஒருவர், “கடற்கரை நெடுகிலும் பல மீன்கள் சாகின்றன. சிலவற்றைக் காப்பாற்றுவதால் என்ன மாற்றம் வந்துவிடப் போகிறது?” என்று கேட்டார்.

                          அச்சிறுவன் தன்  கையிலிருந்த குட்டி மீனைப் பார்த்து கொண்டே, “ஆனால்  இந்த ஒரு குட்டி மீனுக்கு மாற்றம் தானே!”. என்றான்ஆம். அந்த குட்டி மீன் உயிரோடு வாழ்வதற்க்கு அச்சிறுவன் உதவியாயிருந்தான்.

                        அன்பான குட்டிப் பிள்ளைகளே! உலகமெங்கும் வேதனைகளும், துக்கங்களும் உண்டு. அதைக் கண்டு மலைத்துப்போய் நாம் சும்மா இருந்து விடக்கூடாது. நம் இடத்தில நம்மால் என்ன செய்ய முடியுமோ அதைச் செய்ய வேண்டும். சிறுதுளி பெருவெள்ளம். சின்னச்சின்ன காரியங்களில் உண்மையாயிருப்போமென்றால் கடவுள் நமக்கு பெரிய பொறுப்புக்களைத் தருவார்.

மனப்பாட வசனம்:

      மத்தேயு  25:21  கொஞ்சத்திலே உண்மையாயிருந்தாய், அநேகத்தின் மேல் உன்னை அதிகாரியாக வைப்பேன்.

மனப்பாட சக்தி

 

குட்டீஸ், அனைவருக்கும் இயேசுவின் நாமத்தில் வாழ்த்துக்கள்.

                                அந்த ஊரில் முழுவதும் கிறிஸ்தவர்கள் தான் குடியிருந்தார்கள். வெளியூரிலிந்து வேலைக்காக வந்து குடியேறின அல்லது வாடகை வீடுகளில் குடியிருந்த ஒரு சில, பிற சமயத்தார் அவ்வூரில் இருந்தார்கள். அவர்கள் பிறசமயத்தைச் சேர்ந்தவர்களாக இருந்தாலும் கூட, இவ்வூரில் அடிக்கடி நடக்கும் நற்செய்தி கூ ட்டங்களில் கலந்து கொள்ளத்தான் செய்வார்கள். ஒரு சில ஊர்களில் இருப்பது போன்று பகைமை, சண்டை, சச்சரவுகள் மதத்தின் பெயரால் நடைபெறுவதை போன்று இவ்வூரிலும் இருக்கவே இருக்கிறது. இவ்வளவு சிறப்புகள் நிறைந்த அந்த ஊரின் பெயர் பெத்லகேம்.

                                பெத்லகேமில் பக்தியுள்ள குடும்பங்கள் பல இருக்கின்றன. அவ்வாறான குடும்பங்களில் ஒன்றிலே பிறந்தவன் தான் இந்த டேவிட் ராஜா. இவனது பெற்றோர் செல்வராசும் சலோமியும்.  தேவனுடைய இருதயத்துக்கு ஏற்றவனாக இவன் இருக்க வேண்டுமென்றே டேவிட் ராஜா என்று பெயரிட்டனர்.

                                டேவிட் சிறுபையனாக இருக்கும் போது நல்ல  பையனாக இருந்தான். ஒவ்வொரு நாள் காலையிலும் தூங்கி விழித்தவுடன் முகத்தை கழுவி விட்டு வேதாகமத்திலிருந்து சில பகுதிகளை வாசிப்பான். காலையில் வேத பாடத்தை வாசிக்காமல் காலை உணவை சாப்பிடவே மாட்டான். அவனுடைய அம்மா தான் அடிக்கடி  அப்படி சொல்வார்கள். புதிய ஏற்பாட்டு காலத்தில்தானே  வாழ்ந்து  கொண்டிருக்கிறோம். புதிய ஏற்பாட்டில் தான் சபையில் விசுவாசிகள் எப்படி ஆவிக்குரிய அனுபவங்களை பெற்றக் கொள்ள வேண்டும், கர்த்தராகிய இயேசு கிறிஸ்துவின் வருகைக்கு நாம் எப்படி ஆயத்தப்பட வேண்டும்? என்பதைக் குறித்து எழுதப்பட்டிருக்கிறது என்று அழகாக பதில் சொல்வான்.

                                தம்பி, தங்காய் நீயும் ஒவ்வொரு நாள் காலையிலும் தூங்கி எழுந்தவுடன் பைபிள் வாசித்து விட்டுத் தானே வேறு வேலை பார்க்கிறாய் என நினைக்கிறேன். ஒரு வேளை இதுவரை நீங்கள் அதிகாலையில் வேதம் வாசிக்கும்  பழக்கம் இல்லாவிடில் இன்று முதல் இந்த நல்ல பழக்கத்தைக் கற்றுக் கொள். உன்னால்  முடியும்

குட்டிஸ் அனைவருக்கும்  இயேசுவின்  நாமத்தில்  வாழ்த்துக்கள். சாமுவேல்  பிறந்தபோது  அவனது  கால்கள்  இரண்டும்  வளர்ச்சி  அடையாமல்  இருந்ததைக்கண்டு  பெற்றோர்  அதிர்ச்சியுற்று  அழுதனர். ஆனால்  அந்தப்  பிள்ளையை  அன்போடும்  பரிவோடும்  வளர்க்கத் தீர்மானித்தனர். சாமுவேல்  வளர்ந்து  அழகிய  புத்திசாலிப்  பிள்ளையானான். அவனது  இருக்கையில்  தூக்கிவைப்பார். ஆசிரியர்  சொல்வதை சாமுவேல்  கவனித்துக்  கேட்பான். பிள்ளைகள்  மைதானத்தில்  விளையாடுவதைக்  கண்டு  கையசைத்துச் சிரிப்பான். சில  கொடுமையான  பிள்ளைகள்  சில  வேளை  அவனைக்  கேலி  செய்து  சிரிப்பர். சாமுவேலின்  கண்கள்  கண்ணீரால்  நிறையும். பள்ளியில்  நடந்தவற்றையெல்லாம் பெற்றோரிடம்  சொல்லுவான். சுய  பரிதாபத்திற்கு  இடங்கொடுத்து விடக் கூடாதென்று  பெற்றோர்  அவனை  ஆறுதல்  படுத்தி  படிப்பில்  கவனம்  செலுத்தி  ஊக்குவிப்பர். தேவ ஆலோசனையோடும்  ஜெபத்தோடும்  வளர்ந்தனர்.

அவனது  வீட்டிற்கு  எதிரில்  உள்ளவன்  ரஞ்சன். அவன்  ஐந்து  வயதில்  இளம்பிள்ளை  (போலியோ) வாதத்தினால்  பாதிக்கப்பட்டவன். பள்ளியில்  பிள்ளைகள்  அவனை  நொண்டி நொண்டி என்று  அழைத்து  கேலி  செய்வர். ஆகவே பள்ளிக்கு  போக  மறுத்துவிட்டான். தனக்காகத்  தானே  பரிதாபப்பட்டு  அழுவான். வளரவளர  அவன்  வீட்டிலேயே  உட்காந்திருக்க வேண்டியதாயிற்று. ஆகவே அவனது  பெற்றோர்  அவனுக்கு  வீட்டிலேயே ஒரு  பெட்டிக்கடை  வைத்துக்  கொடுத்தனர்.

சாமுவேல்  திறம்படப்   படித்து   தேர்ச்சி  பெற்று  கலெக்டரானான். அவன்  ஒட்டும்படியான  சிறப்பு  வசதிக்  காரும்  ஒரு சக்கர  நாற்காலியும்  கொடுக்கப்  பெற்றான் . தன்  நண்பன்  ரஞ்சனை  அவன்  மறக்கவேயில்லை. அடிக்கடி  பெட்டிக்கடையில் நின்று  விசாரித்து  விட்டுச்  செல்வான்.

வாழ்க்கையில்  சாதனை  படைத்த  சாமுவேலின்  கதை  இல்  படமாக  வெளியானது. ரஞ்சன்  தனது  வாழ்க்கையை  நினைத்து  நொந்து  கொண்டான்.வாழ்க்கையில்  என்னதான்  குறையிருந்தாலும்  அதைக்  கடின  உழைப்பினாலும்  மனஉறுதியினாலும்  மேற்கொள்ளலாம். வாழ்க்கையில்  சோர்வடையாமல்  முன்னேற  வேண்டும்.

அன்புக்  குட்டிப்பிள்ளைகளே ! உங்கள்  வீட்டின்  சூழ்நிலை  எப்படியிருந்தாலும் . உங்கள்  சரீரநிலைமை  எப்படியிருந்தாலும் பரவாயில்லை. கோணலானைவைகளைச்  செவ்வையாக்கும்  இயேசுவின்  மீது  நம்பிக்கையுள்ளவர்கள்  இலக்கை  நோக்கி  தொடருவோமாக! வெற்றி  பெற்று  அநேகரை  இயேசுவின்  வெற்றிப்பாதையில்  நடத்துவோமாக  ஆமென்.

மனப்பாட வசனம் :பிலி 4:13

என்னைப் பெலப்படுத்துகிற கிறிஸ்துவினாலே எல்லாவற்றையும் செய்ய எனக்குப் பெலனுண்டு .

பாரம்

குட்டிஸ் அனைவருக்கும்  இயேசுவின்  நாமத்தில்  வாழ்த்துக்கள்!

ஜாம்  நகரில்  குருவி  ஒன்று  வசித்து  வந்தது. அதற்கு  ஒரு  விநோதமான   ஆசை  வந்தது. தன்  முதுகில்  ஒரு  சிறுப்பையைக்    கட்டிக் கொண்டு  தான் காண்போரின்  மனப்பான்மைகளை எல்லாம்  சேகரிக்க  துவங்கியது. ஒருவரிடமிருந்து  கோபம், இன்னொருவரிடமிருந்து பொறாமை  இன்னும்  எரிச்சல், பேராசை, பழிவாங்குதல், பெருமை  போன்று, பை  நிறைந்தது. நாளையடைவில்  குருவிக்கு  முன்போல்  இலகுவாகப்  பறக்க  முடியவில்லை. துக்கத்தோடு  தாழ்ந்த  கிளை  ஒன்றில்  உட்காந்திருந்தது.

ஒரு  நாள்  தன்  சிநேகிதனாகிய  குருவியிடம்  விஷயத்தைப்  பகிர்ந்து  கொண்டது. இது  என்ன  பை? அதை  ஏன்  சுமந்து  திரிகிறாய்? அதனால் தான்  உனக்குப்  பறக்க  முடியவில்லை  என்று  நினைக்கிறேன்" என்றது  சிநேகிதனான  குருவி. ஊஹீம். அது  ஒரு  சிறிய  பை  தானே  என்றது  குருவி. "சொல்வதைக்  கேள். பையை  எறிந்து  விட்டு  முயற்சி  செய்து  பார்" என்றது  நண்பன்.

" சரி  தான்" என்று  சொன்ன குருவி. கோபத்தைத்  தூக்கி  எறிந்தது. சற்று  இலகுவாகத்  தெரிந்தது. பின்  எரிச்சல் , பொறாமை என்று  ஒன்னொன்றாகத் தூக்கி  எறிந்தது. உயர  சிறகடித்துப்  பறந்து  வட்டமிட்டு  தன்  நண்பனுக்கு  நன்றி  சொன்னது.

அன்பான  குட்டிப்பிள்ளைகளே  புரிகிறதா? கெட்ட  சுபாவங்கள்  உங்களைக்  கீழே அழுத்தும். அன்பு, சந்தோஷம், சமாதானம், பொறுமை, தயவு, நற்குணம், நம்பிக்கை, சாந்தம், இச்சையடக்கம்  போன்ற  நல்ல  சுபாவங்கள்  உங்களை  மேகங்களுக்கு  மேலே  பறக்கச்  செய்யும். நல்ல  குணாதிசயங்களுக்காக  இயேசப்பாவிடம்   ஜெபித்து  பெற்றுக்  கொள்ளுங்கள்.

நீரே  பாத்திரர்

                                      1214 ம்  ஆண்டு  போவைன்ஸ்  என்னுமிடத்தில் இங்கிலாந்துக்கும், பிரான்ஸ்  நாட்டிற்கும்  இடையே  பெரியதொரு யுத்தம்  நடைபெற்றது.பிரான்ஸ்  நாட்டின்  ராஜாவாக இருந்த  பிலிப்பி  ஆகஸ்டே  தன்  படைவீரர்கள்  மத்தியில்  ஒரு  பலிபீடத்தை  கட்டும்படி கட்டளை  கொடுத்தார். பின்பு  தன்  ராஜா  கிரீடத்தை  அதன் மேல்  வைத்துவிட்டு, தகுதியானவனுக்குக்  கொடுக்கப்படும்  என்று  எழுதி  வைத்தான். ராஜ கிரீடத்தை தகுதியற்றவர்கள்  அணியக்கூடாது. யுத்தத்தில்  யார்  மற்ற  எல்லாரையும்  விட  வேகமாகவும்  வல்லமையாகவும்  போர்  செய்கிறார்களோ  அவர்களே  இந்த ராஜா கிரீடத்தை  அணியத்  தகுதியுடையவர்கள்  என்றார்.

ராஜாவாகிய  என்னைவிடவும்  யாராகிலும்  அதிவீரத்தோடு  போரிட்டால்  அந்த  மனிதனுக்கு  இதைக் கொடுத்து விடுவேன்  என்று  அறிவித்தார். பின்பு  யுத்தம்  நடந்தது.

யுத்தத்தில்    ஆகஸ்டே இளஞ்சிங்கத்தைப்  போலப்  போரிட்டான். அநேகருடைய  ஜீவன்  அவனால் காப்பாற்றப்பட்டது. முடிவில்  இங்கிலாந்து  படை  தோற்கடிக்கப்பட்டது.

அப்போது  அவரது  படைத்தளபதிகளும்  பிரபுகளுமே வந்து  இந்த  கிரீடத்தை  அணிவதற்கு உம்மைவிடவும்  தகுதியானவன்  இந்தத்  தேசத்தில்  வேறொருவருமில்லை. என்று  கூறி  அவன்  தலையில்  அதை  அணிவித்தனர்.

எனக்கன்பான   குட்டிப்பிள்ளைகளே! பாவத்திற்கு எதிரான  போராட்டத்தில்  நமது  ராஜகுமாரனாகிய  இயேசு  வல்லமையாக  வெற்றி  சிறந்தார். ஆகவே  இந்த  அண்டைசராசரத்திலுள்ள  எல்லாருடைய  கனத்தையும்  மகிமையையும்  பெறுவதற்கு  அவர்  பாத்திரராக  இருக்கிறார். எனவே பரலோகத்திலுள்ளவைகளும் பூலோகத்திலுள்ளவைகளும்  வணங்கி  பணிந்து  நீரே  அனைத்திற்கும்  பாத்திரர்  எனப்  போற்றுகின்றனர்.ஆம்  அவர்  ராஜாதிராஜா, கர்த்தாதிகர்த்தர்  துதி ஸ்தோத்திரம்  கனம்,மகிமை அனைத்தும்  அவருக்கே சொந்தமானவை. அவர்  ஒருவருக்கே மகிமை  செலுத்தி  அவரையே  (இயேசு) ஆராதிப்போம்.

மனப்பாட வசனம் : அடிக்கப்பட்ட ஆட்டுக்குட்டியானவர் கனத்தையும் ,மகிமையும் ஸ்தோத்திரத்தையும் பெற்றுக்கொள்ளப்பாத்திரராயிருக்கிறார் வெளி.5:12

கீழ்ப்படிதல்

குட்டிஸ்  அனைவருக்கும்  இயேசுவின்  நாமத்தில்  வாழ்த்துக்கள்.

ரீட்டா  ஒரு  குட்டிப்பெண். அவளுக்கு  வேதத்தைப்  போதிக்கும்  அன்பான  பெற்றோர்  இருந்தனர். ரீட்டா  இயேசுவை  நேசித்தாலும்  சில   வேளைகளில்  சுட்டியாகவும்  கீழ்ப்படியாமலும்  இருந்தாள்.

ஒரு  நாள்  ரீட்டாவின்  பெற்றோர்  ஒரு  பெரிய  பெட்டியை  வீட்டிற்குள்ளே  கொண்டுவந்தனர். அது  ரீட்டாவின்  குறுகுறுப்பைக்  கிளறிவிட்டது. ஆனால்  அவளது  அப்பா  அதைத்  திறக்க  அவளை  அனுமதிக்கவேயில்லைஒரு  நாள்  அதைக்காட்டிக்  கொடுப்பதாகச்  சொன்னார். அதற்குள்  என்னதான்  இருக்கும்  என்று  ரீட்டா  சிந்தித்தாள். விடையை  அறிய  சீக்கிரமே  சந்தர்ப்பம்  கிட்டியது.

ஒரு  நாள்  ரீட்டாவின்  பெற்றோர்ஆலயத்தில்  நடந்த  பெற்றோர்  கூட்டத்திற்கு  போக  வேண்டியதாயிற்று. ரீட்டாவை  நல்ல  பிள்ளையாகவும், ஜாக்கிரதையாகவும்  இருந்து  கொள்ளக்கூறினார். அவர்கள்  ரீட்டாவை  வீட்டிற்குள்ளே  வைத்து  வெளியே  பூட்டி விட்டு  சீக்கிரம்  திரும்பி  விடுவதாகச்  சொல்லி  ஆலயத்திற்குச் சென்றனர். ரீட்டா  கொஞ்ச  நேரம்  விளையாடினாள். பிறகு  திடிரென்று  அவளுக்குப் பெட்டியின்  ஞாபகம்  வந்தது. அப்பா  அதை  திறக்கவே கூடாது  என்று  சொன்னதும்  நினைவிற்கு  வந்தது. ஆனால்  அப்பெட்டிக்குள்  என்னதான்  இருக்கும் என்பதை  அறியும்  ஆர்வத்தை  அவளால்  அடக்க  முடியவில்லை. மெல்ல மெல்ல  பெட்டியின்  அருகே  நடந்து  சென்றாள். பெட்டியின்  அருகே உட்கார்ந்தாள்.

பட்டென்று  மூடியை  திறந்தாள். என்ன  நடந்ததென்று  அவள்  அறியுமுன்பாக  தேனீக்கள்  கூட்டம்  வெளியே  வந்து  அவளைச்  சரமாரியாகக்  கொட்டத்  தொடங்கின.ரீட்டா  பயந்து  அரண்டு  அலறத்துவங்கினாள். தேனீக்களுக்குத்தப்ப அவளுக்கு  வழியில்லை. அவளது கூக்குரலைக்  கேட்டு அக்கம்பக்கத்தினர்  ஓடி  வந்தனர். அவர்கள்  பெற்றோரைக்  கூப்பிட  அவர்கள்  அவசரமாய் வந்தனர். ரீட்டாவின்  முகம், கை, கால்கள்  சிவந்து  வீங்கி இருந்தன. அவள்  மூச்சுத்திணறி  வேதனையில்  துடித்துக்  கொண்டிருந்தாள். உடனடியாக  அவள்  மருத்துவமனைக்குக்  கொண்டு  செல்லப்பட்டு  அவசர  சிகிச்சை  செய்யப்பட்டு  ஊசிகள்  பல  போடப்பட்டன.ரீட்டா  கடினமான  வழியில்  பாடத்தைக் கற்றுக்  கொண்டாள். நமக்கு  எல்லாம்  நன்மையாக  நடக்கும்படியாக  நாம்  பெற்றோருக்குக்  கர்த்தருக்குள்  கீழ்ப்படிய  வேண்டும்  என்று  வேதம்  சொல்லுகிறது..

அன்பான  குட்டிப்  பிள்ளைகளே ! கடினமாகத்  தெரிந்தாலும்  ஆவிக்குரிய  நம்  பெற்றோருக்குக்  கீழ்ப்படிந்தால் உலகத்தின்  பல  ஆபத்துக்களுக்குத்  தப்பி  கடவுளுடைய  ஆசீர்வாதங்களை  நாம்  அனுபவிப்போம்.


மனப்பாட வசனம் :-

கர்த்தருடைய சத்தத்திற்குக் கீழ்ப்படிகிறதை பார்க்கிலும் சர்வாங்க தகனங்களும் பலிகளும் கர்த்தருக்குப் பிரியமாயிருக்குமோ ? பலியைப்பார்க்கிலும் கீழ்ப்பாக்கிதாலும், அடுக்கடாக்களின் நிணத்தைப்பார்க்கிலும் செவி கொடுத்தலும் உத்தமம் 1 சாமு.15:22

பரிசுத்த வேதகாமத்திற்குள்ளே ..

குட்டீஸ் அனைவருக்கும் இயேசுவின் இணையற்ற நாமத்தில் வாழ்த்துக்கள்!

ரான் தேவபக்கிதியுள்ள மனிதர் தன் மகன் பின்னிக்கு வேதத்தைக் கற்பித்தார்.பின்னி வளர்ந்து வாலிபனான்.கெட்ட நண்பர்களோடு சேர்ந்து தேவனையும் வேதத்தை வாசிப்பதையும் விட்டுவிட்டான். தகப்பனின் புத்திமதிகள் செவிட்டுக் காதுகளில் விழுந்தன.பின்னி பள்ளி படிப்பை முடித்து கல்லூரிக்குச் சென்றான்.கல்லூரிப் படிப்பிற்காக நகரத்திற்கு சென்று விடுதியில் தங்க வேண்டியதாயிற்று.தகப்பன் அவனை ஆசீர்வதித்து அவனுக்கு ஒரு பெரிய வேதகாமத்தைப் பரிசளித்து அதைத் தினந்தோறும் வாசிக்கச் சொல்லி அனுப்பி வைத்தான்.

ரான் எல்லா கல்லூரி செலவுகளுக்கும் பணம் அனுப்பி வைப்பார்.ஆனால் பின்னிக்குக் கைச்செலவிற்கு பணம் தேவைப்பட்டது. தகப்பனுக்கு கடிதம் எழுதும் போதெல்லாம் தன் பணத் தேவை குறித்து எழுதினாலும் அவர் பொதுவாக கடிதமெழுதி " உன் வேதத்தை வாசி " என்று முடித்துவிடுவார். பணத்தைக் குறித்து கடிதத்தில் ஒன்றும் இருக்காது.ஒரு வருடமாயிற்று நண்பன் பின்னியை நற்செய்தி கூட்டத்திற்கு அழைத்துச் சென்றான்.பின்னி தன் பழைய வாழ்க்கையை நினைத்து அழுது தன் வாழ்வை கிறிஸ்துவுக்கு ஒப்புக் கொடுத்தான்.ஹாஸ்டலுக்குத் திரும்பி வந்ததும் தன் தகப்பன் கொடுத்த வேதபுத்தகத்தைத் தேடினான்.அது ஷெல்பில் தூசியடைந்து இருந்தது.

அவன் வேதத்தை திறந்த போது ஒரு நூறு ரூபாய் நோட்டு கீழே விழுந்தது.அடுத்த பக்கத்தில் மற்றொன்று ....மற்றொன்று ....மற்றொன்று ! பின்னி வேதத்தைக் கட்டிப் பிடித்துக் கொண்டு கண்ணீர் விட்டான்.அவனுக்குத் தேவையானதெல்லாம் அங்கேயே இருந்திருக்கிறது. அவனோ அதை அறியவில்லை.

பரிசுத்தம் வேதம் ஒரு பொக்கிஷம் .உங்களுக்குத் தேவையானதெல்லாம் அங்கே இருக்கிறது.குட்டிப்பிள்ளைகளே! உங்களுக்குத் தேவையான ஞானமும் அங்கே இருக்கிறது.வேதத்தை வாசிக்க துவங்குங்கள்.ஆரம்பத்தில் புரிவது கடினமாகத் தெரியலாம். ஆனால் புரிந்து கொள்ள ஆண்டவர் உதவி செய்யும்படியாக ஜெபித்துக் கொண்டே விடாமல் தொடருங்கள்.வர வர அதன் ஆசீர்வாதத்தை உணருவீர்கள்.குட்டிப்பிள்ளைகளே! புதிய